पी एम किसान योजनेचा 16 वा हप्ता 28 तारखेला होणार जमा, या शेतकऱ्यांच्या खात्यावर येणार पैसे? तुमचे नाव पहा

PM Kisan Yojana | केंद्र सरकारने सुरू केलेली पीएम किसान योजना ही केंद्र सरकारची एक महत्वकांशी योजना आहे. या योजनेअंतर्गत शेतकऱ्यांसाठी आर्थिक मदत दिली जाते. ही योजना शेतकऱ्यांची हिताची योजना आहे. ही योजना 2019 मध्ये मोदी सरकारने सुरू केली होती तेव्हापासून ही योजना देशभरातील नामांकित योजनांमध्ये येते. या योजनेअंतर्गत पात्र शेतकऱ्यांना वर्षाकाठी सहा हजार रुपयांच्या आर्थिक मदत दिली जाते.

शेतकऱ्यांना दोन हजार रुपयांचा एक हप्ता प्रमाणे वर्षभरामध्ये तीन हप्ते वितरित केले जातात. म्हणजे वर्षाकाठी शेतकऱ्यांना सहा हजार रुपयांची मदत दिली जाते. या योजनेच्या माध्यमातून आतापर्यंत 15 हप्ते प्राप्त झाले आहेत.

म्हणजे आपण या योजनेचा हिशोब केला तर आतापर्यंत प्रत्येक शेतकऱ्याला तीस हजार रुपयांची मदत मिळाली आहे. योजनेचा मागील हप्ता म्हणजे पंधरावा हप्ता 15 नोव्हेंबर 2023 रोजी पात्र शेतकऱ्यांच्या खात्यावरती जमा करण्यात आला होता.

परंतु सोळावा आता शेतकऱ्यांच्या खात्यावरती केव्हा जमा होणार हा प्रश्न काही दिवसांपूर्वी शेतकरी वर्गांमधून उपस्थित केला जात होता. मात्र आता ही प्रतीक्षा लवकरच संपणार आहे.

देशाचे पंतप्रधान नरेंद्र मोदी यांच्या हस्ते या योजनेचा सोळावा हप्ता 28 फेब्रुवारी 2024 रोजी पात्र शेतकऱ्यांच्या खात्यावरती जमा करण्यात येणार आहे. विशेष म्हणजे पीएम किसन योजनेचा सोहळा हप्ता आणि नमो शेतकरी योजनेचा दुसरा हप्ता आणि तिसरा आता देखील शेतकऱ्यांना सोबत दिला जाणार आहे.

म्हणजे आता महाराष्ट्रातील पात्र शेतकऱ्यांना पीएम किसन योजनेचे दोन हजार रुपये आणि नमो शेतकरी योजनेचे चार हजार रुपये असे एकूण सहा हजार रुपयांची मदत मिळणार आहे.

येता काही दिवसांमध्ये राज्यामध्ये लोकसभेच्या सार्वत्रिक निवडणुका लागणार आहे. यासाठी मे महिन्याच्या पहिल्या आठवड्यात आचारसंहिता लागू होणार अशी शक्यता वर्तवली जात आहे.

याच पार्श्वभूमीवर केंद्र सरकारने आणि राज्य सरकारने पी एम किसान योजनेचा आणि नमो शेतकरी योजनेचे पैसे आचारसंहिता सुरू होण्यापूर्वी शेतकऱ्यांच्या खात्यावरती जमा करण्याचे ठरविले आहेत. मात्र या योजनेचा लाभ काही शेतकऱ्यांना मिळणार असल्याचे स्पष्ट करण्यात आले आहे.

यांना मिळणार नाही लाभ

आम्हाला प्राप्त झालेला माहितीनुसार पीएम किसन योजनेचा सोहळा हप्ता आणि नमो शेतकरी योजनेचा पुढील हप्ता लाभ घेण्यासाठी जमिनीचे कागदपत्रे, तुम्हाला अपलोड करावे लागणार आहे. त्यासाठी सक्रिय बँक खात्याचे आधार कार्ड लिंक करणे आणि E-KYC करणे महत्त्वाचे राहणार आहे.

ज्यामुळे ज्या शेतकऱ्यांनी हे काम केले नाही,त्यांचा खात्यात पीएम किसान योजनेचा आणि नमो शेतकरी योजनेचा हप्ता जमा केला जाणार नाही. असे देखील सांगण्यात येत आहे.