Farmer Loan Apply : पीक कर्जासाठी किंवा शेती साठी लागणारा पैसा वेळेवर उपलब्ध होणे हे शेतकऱ्यांसाठी खूप कठीण झाले आहे. वेळेवर पैसा उपलब्ध नसल्यामुळे शेती उत्पादनाच्या वाढीत खूप कमी होत आहे कारण आधीच अनेक नैसर्गिक आपत्तीमुळे शेतकऱ्यांच्या हाताचा घास हिरावून नेला जात आहे व मोठ्या प्रमाणावर शेतकऱ्यांना आर्थिक फटका बसतो या सगळ्या आर्थिक संकटामुळे शेतकऱ्यांना येणाऱ्या हंगामाची तयारी करण्यासाठी पैशांची गरज लागणार आहे व हा पैसा बऱ्याचदा शेतकरी बँकेच्या माध्यमातून पीक कर्ज घेऊन उभा करत असतात.
परंतु बऱ्याचदा बँकेच्या आडमुठ्या धोरणामुळे पीक कर्ज शेतकऱ्यांना वेळेवर मिळत नाही व शेताचे काम रखडतात त्यामुळे दुसरा पर्याय म्हणून शेतकरी सावकारांकडून व्याजाने कर्ज घेतात व या चक्रात अडकतात ही समस्या डोळ्यासमोर ठेवून सरकारच्या माध्यमातून अनेक प्रकारच्या योजना शेतकऱ्यांसाठी घेऊन येत असतील या योजनेची अंमलबजावणीसाठी वेग यावा याकरिता अनेक उपयोजना देखील राबवण्यात येत आहेत.
जेणेकरून शेतकऱ्यांना वेळेवर पैसा मिळवा हा त्यामागचा मुख्य हेतू आहे याकरिता केंद्र सरकार आणि राज्य सरकारकडून विविध पावले उचलली जात आहेत व त्याचा भाग म्हणून भारताचे अर्थमंत्री निर्मला सीतारामन व केंद्रीय कृषिमंत्री नरेंद्र सिंह तोमर यांनी नुकतेच किसान ऋण पोर्टलचे उद्घाटन केलेले आहे याचीच अपडेट या पोस्टमध्ये आपण जाणून घेणार आहोत.
किसान ऋण पोर्टल
याबाबतचे सविस्तर वृत्त असे आहे की देशाची केंद्रीय वित्त मंत्री निर्मला सीतारामन व केंद्रीय कृषिमंत्री नरेंद्र सिंह तोमर यांच्या हस्ते महत्त्वकांक्षी असलेली किसान ऋण पोर्टलचे उद्घाटन करण्यात आलेले आहे. हे पोर्टल अनेक सरकारी युवकांच्या मदतीने विकसित करण्यात आलेले असून शेतकऱ्यांसाठी महत्त्वाच्या असलेल्या क्रेडिट किसान कार्ड अर्थात KCC अंतर्गत येणाऱ्या ज्या काही सेवा आहेत त्या सेवा या पोर्टल माध्यमातून शेतकऱ्यांना ताबडतोब पोहोचण्यास मदत करणार आहे.
या पोर्टलच्या माध्यमातून कर्जाचे वितरण तसेच शेतकऱ्यांच्या संपूर्ण डेटा व्याजासह साह्य आणि इतर माहिती या पोर्टलवर उपलब्ध असणार आहे किसान क्रेडिट कार्ड अंतर्गत जे काही कर्ज धारक आहे त्यांची माहिती देखील या पोर्टलवर उपलब्ध असणार आहे या अंतर्गत आता संपूर्ण किसान क्रेडिट कार्डधारकांची पडताळणी आधार कार्ड माध्यमातून केली जाणार आहे त्यातून शेतकऱ्यांना कर्ज सुविधा उपलब्ध करून देण्याला सहकार्य मिळेल.
सगळ्यात महत्त्वाचे म्हणजे किसान ऋण पोर्टलच्या माध्यमातून शेतकऱ्यांच्या खात्यामध्ये थेट व्याजाची सवलत उपलब्ध होणार असून तसेच या पोर्टलच्या माध्यमातून लाभार्थी आणि थकबाकीदार शेतकरी यांचे संपूर्ण माहिती सरकारला मिळणार आहे किसान ऋण पोर्टल सोबतच घर घर के KCC या महत्वपूर्ण अभियानाची देखील सुरुवात करण्यात आलेली असून व त्यातून शेतकऱ्यांना किसान क्रेडिट कार्डची सुविधा उपलब्ध होणार आहे त्यामुळे हे पोर्टल नक्कीच शेतकऱ्यांचा फायदा करणार आहे व हे फायदेशीर ठरणार आहे.